Wishing you Happy Dipawali!
Dipawali Dipon Wali,Aao dip jalaen hum,
Kuchh mann ke andar, kuchh aangan me,
Andar baahar se, andera bhagaen hum
Gyan ke jyoti jalti rahe
Sab me vidya bante hum.
Jot se jot jalegi, mashal banegi,
Sab ko raah dikhaen hum.
Gajanan pujen sab karaj safal karaen hum,
Laxmi pujan karegi sampan, dhan vaibav sab paean hum
Sarasvati devi gunvaan karegi,
Uske aage sar jhukaen hum .
Ghor andere me fansi hai duniya,
Raah koi dikhti nahi hai,
Lakhon Deepak karoron baati
Jagmag karti jagmag karti,
Par bujhe hue, man hai sabke,
Hai Nirasha, peerha aur hataashi.
Ab ki diwali prabhu aap padharo,
Dukh haro kalesh niwaro,
Jeewan jine ki raah dikha do,
Jeewan ho jae jagmag
Jeewan ho jae jagmag.
Ram raj ka sabak padha do
Kar do sab ka kalian
Kar do sab ka kalian.
Ram ram me rm jaaen hum
Ram ram se ho jaaen hum
Ram ram ke padh chinhon par,
Ram ram kar chalte rahen hum.
Aaisi shakti dena ram ji,
Har din diwali si ho jagmag,
Har din diwali si ho jagmag.
